សង្ឃវ៉ា ស៊ីណាន នឹងលាចាកសិក្ខាបទនៅថ្ងៃស្អែកដើម្បីឲ្យសាកសមនឹងទោសកំហុស
ព្រះសង្ឃ ដែលបានបង្ហោះរូបភាពអាក្រាត ដែលមិនសាកសមជាព្រះសង្ឃដែលបានបួសរៀន នឹងត្រូវផ្សឹក ជាជនសាមញ្ញធម្មតា នៅថ្ងៃទី២១ ខែមិថុនាខាងមុខនេះ ដើម្បីឲ្យសាកសម នឹងទង្វើរបស់ខ្លួនដែលបានប្រព្រឹត្ត។ នេះបើតាមការបញ្ជាក់ពីសាលាគណរាជធានីភ្នំពេញ នាថ្ងៃទី២០ មិថុនានេះ។
បើតាម សាលាគណរាជធានីភ្នំពេញ បានបញ្ជាក់លើទំព័រហ្វេសប៊ុកថា សូមទូលថ្វាយ ប្រគេន និងជម្រាបជូនងថារឿងរ៉ាវដែលទាក់និងភិក្ខុ វ៉ា ស៊ីណាន បានបង្ហោះរូបភាពមិនគប្បី និងធ្វើឲ្យមានការភ្ញាក់ផ្អើលដល់សាធារណជន និងប៉ះពាល់ដល់កិត្តិយសព្រះពុទ្ធសាសនា ពេលនេះសាលាគណរាជធានីភ្នំពេញ បានឲ្យភិក្ខុអង្គនេះលាចាកដិក្ខាបទ (សឹក) នៅថ្ងៃទី២១ ខែមិថុនា ឆ្នាំ២០១៦ ស្អែកនេះហើយ។
អាស្រ័យហេតុនេះ សូមព្រះករុណាម្ចាស់គ្រប់អង្គ និងសាធារណជនព្រះមេត្តា និងមេត្តាជ្រាប ហើយដើម្បីរក្សាកិត្តយសព្រះពុទ្ធសាសនា សូមកុំយករូបភាពទាំងនេះធ្វើជាកម្មវត្ថុទៀត រឿងនេះគ្រាន់តែជារឿងរបស់បុគ្គលតែប៉ុណ្ណោះ៕ ដោយៈសៅ វិសាល
ទស្សនាវីដេអូខាងក្រោម៖
ប្រភព៖ vayofm.com